საქართველოს სპორტის ისტორიაში პირველად, ქართულმა წყვილმა ფიგურული ციგურაობის მსოფლიო ჩემპიონატზე მედალი მოიპოვა.
ჩეხეთის დედაქალაქ პრაღაში მიმდინარე ფიგურული ციგურაობის მსოფლიო ჩემპიონატზე, ლუკა ბერულავასა და ანასტასია მეტელკინას წყვილმა დღეს თავისუფალი პროგრამით იასპარეზა, მსაჯებისგან 138.96 ქულა დაიმსახურა, ორი პროგრამის ჯამში, 218.41 ქულა მოაგროვა, რაც ტურნირზე მე-2 მაჩვენებელი აღმოჩნდა.
შედეგად, ბერულავა-მეტელკინამ ვერცხლის მედალი მოიპოვეს და მსოფლიოს ვიცე-ჩემპიონის სტატუსი მიიღეს.
ასევე, მაყურებლის წინაშე წარდგნენ ანასტასია გუბანოვა, რომელმაც მოკლე პროგრამა მე-6 ადგილზე დაასრულა და ნიკა ეგაძე, რომელმაც მოკლე პროგრამაში მე-15 ადგილი დაიკავა.
