ბუნდესლიგის 2023/24 სეზონი ოფიციალურად დასრულდა.
34-ე ტურის მატჩები ერთდროულად გაიმართა.
ლევერკუზენი 2-1 აუგსბურგი
ჩაბი ალონსოს გუნდმა კვლავ არ წააგო და ისტორიაში პირველად, ბუნდესლიგას დაუმარცხებელი ჩემპიონი ჰყავს - ფარმაცევტებმა სეზონი 28 მოგებით და 6 ფრით დაასრულეს. ლევერკუზენმა მეტოქეებს 89 გოლი გაუტანა და 24 გაუშვა.
ჰოფენჰაიმი 4-2 ბაიერნი
თომას ტუხელის უკანასკნელ მატჩს ბაიერნი მშვიდად 2:0-ს იგებდა, თუმცა დროზე ადრე მოეშვა და მასპინძლებისგან 4 უპასუხო გოლი გაუშვა. პარაელურ მატჩში შტუტგარტმა მიუნხენგლადბახი 4:0 გაანადგურა და ცხრილში მე-2 ადგილზე გადაინაცვლა, ბაიერნმა კი 2010/11 სეზონის შემდეგ პირველად ჩემპიონატი მე-3 ადგილზე დაასრულა.
დორტმუნდი 4-0 დარმშტადი
სიგნალ იდუნა პარკზე მარკო როისის ბოლო მატჩი შედგა - ჩემპიონთა ლიგის ფინალისტმა მეტოქე 4:0 გაანადგურა, როისმა კი ფანებს ლამაზი გაცილებისთვის მადლობა არანაკლებ ლამაზი ჯარიმით გადაუხადა.
ვიდეო: მარკო როისი დორტმუნდის ქომაგებს ულამაზესი ჯარიმით ემშვიდობება
ამრიგად, ბუნდესლიგაში როლები ასე გადანაწილდა.
ჩემპიონი: ლევერკუზენი
ჩემპიონთა ლიგაზე გავიდნენ: ლევერკუზენი, შტუტგარტი, ბაიერნი, ლაიფციგი, დორტმუნდი
ევროპა ლიგაზე გავიდა: აინტრახტი
კონფერენც ლიგაზე გავიდა: ჰოფენჰაიმი
გავარდნენ: დარმშტადტი, კიოლნი
გადასარჩენად კვალიფიკაციას ითამაშებს: ბოხუმი
საუკეთესო ბომბარდირი: ჰარი კეინი - 36 გოლი.
საბოლოო ცხრილი:
