ისტორიული ოქრო ფიგურულ ციგურაობაში - ნიკა ეგაძე ევროპის ჩემპიონია

ქართული ფიგურული ციგურაობის ისტორიაში პირველად, ქართველმა მამაკაცმა ევროპის ჩემპიონატზე ოქროს მედალი მოიპოვა - ნიკა ეგაძე კონტინენტის ჩემპიონია!

ქართველმა მოციგურავემ მოკლე პროგრამაში 91.28 ქულა და მცირე ოქროს მედალი მოიპოვა, თავისუფალ პროგრამაში კი 181.72 ქულა დაიმსახურა და პირველი ადგილი დაიკავა. შესაბამისად, ორი პროგრამის ჯამში 273 ქულით, ევროპის ჩემპიონობა იზეიმა.

ცნობისთვის, ანასტასია მეტელკინამ და ლუკა ბერულავამ საქართველოს ისტორიული ოქროს მედალი მოუტანეს - ასევე პირველადაა, როცა ქართული წყვილი ევროპის ჩემპიონი გახდა.

ასევე, ანასტასია გუბანოვამ თავისუფალ პროგრამაში 128.19 ქულა დააგროვა მცირე ვერცხლის მედალი მოიპოვა.

ჩემპიონატის ბოლო საშეჯიბრო დღეს, რიტმული ცეკვების პროგრამით დიანა დევისისა და გლებ სმოლკინის წყვილი იასპარეზებს. საქართველოს სახელით მოასპარეზე წყვილმა რიტმულ ცეკვებში 78.67 ქულა დაიმსახურა და მეექვსე ადგილი დაიკავა.