ისტორიული ქულა - კატარმა შვეიცარიასთან მატჩი ბოლო წუთზე გადაარჩინა

კატარის ნაკრებმა სან-ფრანცისკოში შვეიცარიასთან დრამატულ შეხვედრაში ბოლო წუთებზე ქულა გადაარჩინა და მსოფლიო ჩემპიონატების ისტორიაში პირველი ქულა მოიპოვა.

ანგარიში მე-17 წუთზე ბრილ ემბოლომ გახსნა, რომელმაც პენალტი ზუსტად შეასრულა მას შემდეგ, რაც მაჰმუდ აბუნადამ საჯარიმოში რემო ფროილერი წააქცია.

შვეიცარია გამარჯვებასთან ძალიან ახლოს იყო, თუმცა ბუალემ ხუხიმ დამატებული დროის მე-5 წუთზე გაიტანა და კატარს ისტორიული ფრე მოუტანა.

ყველა სტატისტიკური მაჩვენებელით შვეიცარია დიდ უპირატესობას ფლობდა, თუმცა ეს ანგარიშში არ აისახა.

კარისკენ დარტყმები: 26-7

ზუსტი დარტყმები: 7-4

შექმნილი შანსები: 24-5

კუთხურები: 10-3

ბურთის ფლობა: 68-32

B ჯგუფის პირველი ტურის მატჩებში იდენტური შედეგები დაფიქსირდა (1-1) და შესაბამისად ოთხივე გუნდს (კანადა, ბოსნია და ჰერცეგოვინა, კატარი, შვეიცარია) თითო ქულა აქვს.

ტური 2

შვეიცარია - ბოსნია და ჰერცეგოვინა (18 ივნისი, 23:00)

კანადა - კატარი (19 ივნისი, 02:00)