ისტორიული შანსი: შეძლებს იამალი ლა ლიგის საუკეთესო ახალგაზრდა ბომბარდირი გახდეს?

ბარსელონას ვუნდერკინდი ლამინ იამალი რეკორდების მსხვრევას განაგრძობს. ამჯერად მისი სამიზნე რეალ მადრიდის ლეგენდის, რაულ გონსალესის ისტორიული მაჩვენებელია, რომელიც უკვე 30 წელია ხელშეუხებელია.

იამალი ახლახან გახდა ყველაზე ახალგაზრდა მოთამაშე, რომელმაც ჩემპიონთა ლიგაზე 30 მატჩი ჩაატარა, კარიერული გოლების რაოდენობით კი (50 გოლი) მესისა და რონალდუს იმავე ასაკში არსებულ მაჩვენებლებს გადაასწრო. ახლა კი მას ლა ლიგის მორიგი მწვერვალი ელის: გახდეს საუკეთესო ბომბარდირი 19 წლამდე ფეხბურთელებს შორის.

ამ რეკორდს ამჟამად რაული ფლობს, რომელმაც 1995/96 წლების სეზონში 19 გოლი გაიტანა. იამალს ამ ნიშნულამდე 5 გოლი აშორებს, გასაუმჯობესებლად კი 6 სჭირდება. თუ მის ბოლოდროინდელ ფორმას გადავხედავთ, 7 გოლი ბოლო 7 მატჩში, რეკორდის დამყარება სრულიად რეალურია.

„ის მატჩების ბედს ერთი ქმედებით წყვეტს“, — აღნიშნა ჰანსი ფლიკმა. წინ 11 ტურია, ბარსელონა კი მომდევნო მატჩებს შინ ატარებს, რაც იამალს ისტორიის დაწერის საუკეთესო შანსს აძლევს.