იტალიურ კლუბებში ახალ მწვრთნელებს ელიან

იტალიელი სპორტული ჟურნალისტის, ფაბრიციო რომანოს ინფორმაციით იტალიის სერია ა-ს კლუბები ახლოს არიან ახალი მწვრთნელების დანიშვნასთან.

დიდი ალბათობით, მილანის ახალი თავკაცი მასიმილიანო ალეგრი იქნება. მხარეები მოლაპარაკებებს აწარმოებენ და შეთანხმებაც ახლოს არის.

ალეგრი მილანს 2010-2014 წლებში წვრთნიდა და როსონერის სერია ა და იტალიის სუპერთასი მოაგებინა. 57 წლის იტალიელი 2014-2019 და 2021-2024 წლებში იუვენტუსში მუშაობდა, ტურინიდან წამოსვლის შემდეგ კი თავისუფალია.

აქტიური მოლაპარაკებები მიმდინარეობს რომას მენეჯმენტსა და ჯან პიერო გასპერინის შორისაც, რომელიც ატალანტაში 9-წლიანი მუშაობის შემდეგ ბერგამოს ტოვებს. გასპერინი რომაში კლაუდიო რანიერის შეცვლის.

თავის მხრივ ატალანტა კი გასპერინის შემცვლელად სტეფანო პიოლის განიხილავს, რომელსაც უკვე დაუკავშირდა. მილანის ყოფილი მწვრთნელი ამჟამად ალ ნასრის თავკაცია და არაბული კლუბის დატოვებასთან ახლოს არის.

ნაპოლი კონტეს შენარჩუნებას ცდილობს და ახალი კონტრაქტი შესთავაზა