ნიუკასლის მხრიდან ლუის ჰოლის ტრანსფერზე უარის მიღების შემდეგ, მანჩესტერ იუნაიტედმა ახალი მარცხენა მცველის ძიებისას მთავარი აქცენტი რეისინგ სანტანდერის ნიჭიერ მცველზე, ხორხე სალინასზე გააკეთა.
მაიკლ კერიკის გუნდი ლუკ შოუსთვის კონკურენციის შექმნას ცდილობს. წითელ ეშმაკებს პირველ რიგში ნიუკასლის ლუის ჰოლის ტრანსფერი სურდათ, თუმცა კაჭკაჭებმა კატეგორიული უარი განაცხადეს მის გაყიდვაზე, განსაკუთრებით მას შემდეგ, რაც გუნდიდან სანდრო ტონალის, ენტონი გორდონისა და კაპიტან ბრუნო გიმარაეშის წასვლა გახდა ცნობილი.
ამ უარის ფონზე, მანჩესტერული კლუბის ყურადღება 19 წლის ხორხე სალინასისკენ მიიმართა, რომლის თამაშითაც მანჩესტერელთა სკაუტები 19-წლამდელთა ევროპის ჩემპიონატზე მოიხიბლნენ.
ახალგაზრდა მცველის მიმართ ინტერესს ბარსელონაც იჩენს, თუმცა სანტანდერის სპორტული დირექტორის, ხემა არაგონის განცხადებით, კლუბი ფეხბურთელს მხოლოდ იმ შემთხვევაში შეელევა, თუ მის კონტრაქტში არსებული 16 მილიონი ევროს გამოსასყიდი თანხა სრულად იქნება გადახდილი.
მიუხედავად იმისა, რომ თავად ფეხბურთელს ბარსელონაში თამაში ურჩევნია, ესპანური მედიის ცნობით, კატალონიური გუნდი გამოსასყიდის გადახდას არ ჩქარობს. სწორედ ამ დაყოვნებამ შესაძლოა მანჩესტერ იუნაიტედს შანსი მისცეს, რომ საჭირო თანხა სწრაფად გადაიხადოს და ბრძოლაში ფავორიტი გახდეს.
