იუვენტუსი აქტიურად ფიქრობს რიჩარლისონის ტრანსფერზე, რადგან ბრაზილიელ თავდამსხმელს ტოტენჰემთან კონტრაქტი 2027 წელს ეწურება და ლონდონურ კლუბში სათამაშო დროის ნაკლებობის გამო ახალ გამოწვევებს ეძებს.
ლუჩანო სპალეტის გუნდის გაძლიერება სურს და რიჩარლისონი ფინანსურად საკმაოდ ხელსაყრელ ვარიანტად მიიჩნევა, რადგან მისი საბაზრო ღირებულება დაახლოებით 25 მილიონი ევროა, ხელფასი კი იუვენტუსის ფინანსურ შესაძლებლობებში სრულად ჯდება.
ტრანსფერს ხელს უწყობს ის გარემოებაც, რომ ტოტენჰემის მთავარი მწვრთნელი რობერტო დე ძერბი ბრაზილიელს ძირითად გეგმებში არ მოიაზრებს და მზადაა მის გასაშვებად, იუვენტუსის ხელმძღვანელობასა და დე ძერბის შორის არსებული კარგი საქმიანი ურთიერთობები კი მოლაპარაკებებს გაამარტივებს.
მიუხედავად იმისა, რომ რიჩარლისონით ფენერბახჩე და თურქული კლუბები ინტერესდებიან, თავად ფეხბურთელს ტურინული გუნდის მიმართ დადებითი განწყობა აქვს, რადგან 2022 წელს ბრაზილიის ნაკრებთან ერთად იუვენტუსის საწვრთნელ ბაზაზე ვარჯიშის კარგი მოგონებები შემორჩა.
მიუხედავად ამისა, ტურინელებისთვის პრიორიტეტულ მიზნებად კვლავ კოლო მუანი და მატეო პელეგრინო რჩებიან.
