გერმანული ფეხბურთის ლეგენდამ, ლოთარ მათეუსმა მაიკლ ოლისეს გარშემო ატეხილ სატრანსფერო ხმაურსა და მადრიდის რეალის ინტერესზე ისაუბრა.
„მესმის, რომ რეალში თამაშის სურვილი გქონდეს. ყველა ფეხბურთელს სურს კარიერის რომელიღაც ეტაპზე მადრიდის რეალში თამაში.
თუმცა, ბავარია მოლაპარაკებებს საერთოდ არ აპირებს - ისინი ამ სათაურებსა და ჭორებზე უბრალოდ გაიცინებენ.
ჩემი აზრით, მიმდინარე ზაფხულს ოლისეს რეალში გადასვლის შანსი პრაქტიკულად ნულის ტოლია“, - განაცხადა მათეუსმა BILD-თან საუბარში.
ბოლო დღეებია აქტიურად იწერება, რომ ოლისემ საფრანგეთის ნაკრების თანაგუნდელებს ბაიერნის დატოვების და რეალში გადასვლის სურვილის შესახებ აცნობა.
