The Sun-ის ინფორმაციით ჩელსის ახალმა მთავარმა მწვრთნელმა, ჩაბი ალონსომ, ლონდონურ კლუბში მუშაობის დაწყებიდან სულ რაღაც ერთ კვირაში, შემადგენლობის გადახალისება დაიწყო და 5 ფეხბურთელს აცნობა, რომ მიმდინარე სატრანსფერო ფანჯრის დროს კლუბის დატოვება შეუძლიათ.
ეს ფეხბურთელები არიან:
ფილიპ იორგენსენი (მეკარე)
აქსელ დისასი (მცველი)
ბენუა ბადიაშილი (მცველი)
ალეხანდრო გარნაჩო (ვინგერი)
ლიამ დელაპი (თავდამსხმელი)
თავის პირველ პრესკონფერენციაზე ესპანელმა სპეციალისტმა უკვე მიანიშნა გარნაჩოს შესაძლო წასვლაზე, რომლის მიმართაც სხვა კლუბიდან ინტერესი არსებობს:
„ჩვენ ვისაუბრეთ სპორტულ დირექტორთან, მის მიმართ სხვა კლუბიდან ინტერესია, ასე რომ ვნახოთ, როგორ განვითარდება მოვლენები. იმედი მაქვს, ყველაფერი ყველა მხარისთვის საუკეთესოდ დასრულდება“.
გარნაჩომ, რომელიც ჩელსის გასულ ზაფხულს შეუერთდა, სადებიუტო სეზონში 43 მატჩში 8 გოლი და 4 ასისტი მიითვალა, ხოლო დელაპმა 41 შეხვედრაში მხოლოდ 2 გოლის გატანა მოახერხა.
ალონსოს გეგმებში არც დაცვის ხაზის მოთამაშეები შედიან, რომელთაც გასულ სეზონში სტაბილური სათამაშო დრო არ ჰქონიათ.
