ფაბრიციო რომანოს ინფორმაციით, იუვენტუსმა ატალანტას ნიდერლანდელი ნახევარმცველის, ტეუნ კოოპმაინერსის თაობაზე ოფიციალური შეთავაზებით მიმართა.
როგორც ირკვევა, ტურინული კლუბი ატალანტას ფეხბურთელის სანაცვლოდ 45 მილიონ ევროს სთავაზობს.
კოოპმაინერსმა იუვენტუსთან პირადი კონტრაქტი ჯერ კიდევ მაისში შეათანხმა და ახლა კლუბების შეთანხმებას ელოდება.
ატალანტა თავისი ერთ-ერთი ლიდერის სანაცვლოდ ყოველთვის დიდ თანხას ითხოვდა და ამ ეტაპზე უცნობია, რამდენად დათანხმდება 45-მილიონიან შეთავაზებას.
