პრემიერ ლიგის რეკორდსმენმა მატჩების რაოდენობით, ჯეიმს მილნერმა, 40 წლის ასაკში საფეხბურთო კარიერის დასრულების შესახებ გამოაცხადა.
უნივერსალურმა ნახევარმცველმა, რომელიც ლიდს იუნაიტედის აკადემიის აღზრდილია, 24-სეზონიანი შთამბეჭდავი გზა გაიარა და ინგლისის წამყვან კლუბებში - ნიუკასლში, ასტონ ვილაში, მანჩესტერ სიტიში, ლივერპულსა და ბრაიტონში იასპარეზა.
კარიერის განმავლობაში მილნერმა 696 ოფიციალური შეხვედრა ჩაატარა, 87 გოლის გატანა შეძლო და უამრავი ტიტული მოიგო, მათ შორის პრემიერ ლიგა სამჯერ, ორი ასოციაციის თასი, ორი ლიგის თასი და ჩემპიონთა ლიგა. ის ასევე ინგლისის 21-წლამდელთა ნაკრების რეკორდსმენია 46 მატჩით, ხოლო ეროვნულ გუნდში 61 თამაში დააგროვა.
ვეტერანმა მოთამაშემ ემოციურად გადაუხადა მადლობა გულშემატკივრებს (მათ შორის იმათაც, ვინც კარიერის განმავლობაში აკრიტიკებდა და ამით ხასიათის გამოძერწვაში დაეხმარა), კლუბების მფლობელებს, მწვრთნელებს, თანაგუნდელებსა და საკუთარ ოჯახს, რომლის მხარდაჭერისა და გაღებული მსხვერპლის გარეშეც ეს გზა წარმოუდგენელი იქნებოდა.
