„კანსელუ ფანტასტიკური იყო“ — ფლიკმა ლევანტესთან გამარჯვება და ლიდერობის დაბრუნება შეაფასა

ბარსელონას მთავარმა მწვრთნელმა, ჰანსი ფლიკმა, ლევანტესთან მოპოვებული გამარჯვება (3:0) შეაფასა.

ლა ლიგის 25-ე ტურში მოპოვებული სამი ქულის შემდეგ, კატალონიური კლუბი სატურნირო ცხრილში პირველ ადგილზე დაბრუნდა და მადრიდის რეალს ერთი ქულით უსწრებს.

VIDEO: ბარსელონამ ლევანტე გაანადგურა და ლა ლიგაში გალიდერდა

„ძალიან მნიშვნელოვანი იყო სწრაფი გოლის გატანა. თავიდანვე დარწმუნებულები ვიყავით საკუთარ თავში. ვფიქრობ, ყოველ წუთს ვუმატებდით და გამარჯვება დავიმსახურეთ. როდესაც ასეთი ძლიერი დაცვის წინააღმდეგ თამაშობ, საჭიროა, რომ ნახევარმცველები წინ მიდიოდნენ. გადაწყვეტილებების ძიება მარცხენა ფლანგზე მოგვიწია. ამ გზით გოლების გატანა შესანიშნავია.

კანსელუმ ფანტასტიკური მატჩი ჩაატარა. ჩვენ ვნახეთ მისი ოსტატობა, ის ქმნიდა დიდებულ მომენტებს, განსაკუთრებით პირველ ტაიმში. სწორედ ამას ველოდები მისგან.

მნიშვნელოვანია, რომ კვლავ ლიდერები გავხდით. ეს ძალიან კარგია“, — განაცხადა ფლიკმა.