კარიერული მიზანი მიღწეულია - ნოვაკ ჯოკოვიჩი ოლიმპიური ჩემპიონია!

ოლიმპიადის ფინალში ნოვაკ ჯოკოვიჩმა კარლოს ალკარასი დაამარცხა და ოლიმპიური ჩემპიონი გახდა.

მატჩი 2 საათსა და 51 წუთს გაგრძელდა და სერბის გამარჯვებით, 7:6 (3) 7:6 (2) დასრულდა.

ამრიგად, ჯოკოვიჩმა კარიერის ერთ-ერთი მთავარი მიზანი აისრულა და ოლიმპიური ჩემპიონი გახდა - ოლიმპიადა იყო ერთადერთი ტურნირი, რომელიც მას არასდროს არ მოუგია.

საჩოგბურთო ოლიმპიადაზე ოქროს მედალს ნოვაკი დაეუფლა, კარლოს ალკარასს ვერცხლი ერგო, იტალიელი ლორენცო მუსეტი კი ბრინჯაოს მფლობელი გახდა.