ივნისის პირველ ამხანაგურ შეხვედრაში საქართველოს ნაკრები რუმინეთს დაუზავდა.
შეხვედრა მიხეილ მესხის სახელობის სტადიონზე გაიმართა და ფრედ 1:1 დასრულდა.
მეორე ტაიმის პირველივე წუთზე გიორგი ქვილითაიამ საქართველოს ნაკრები დააწინაურა, თუმცა სტუმრებმა 55-ზე შეძლეს წონასწორობის აღდგენა და საბოლოო ანგარიშის დაფიქსირება.
ამ მატჩში გამოსარჩევი ის მოხდა, რომ საქართველოს ნაკრების მაისურით თავისი 129-ე და ბოლო მატჩი ჩაატარა გურამ კაშიამ, რომელიც სანიოლმა 66-ე წუთზე გულშემატკივართა ოვაციების თანხლებით შეცვალა.
კაშიას დებიუტი საქართველოს ნაკრებში 2009 წელს, ექტორ კუპერის ხელმძღვანელობით შედგა და მან ამ 17 წლის განმავლობაში 129 მატჩში 3 გოლის გატანა მოახერხა, გუნდს დაეხმარა ევროპის ჩემპიონატზე გასვლაში და მერე ამ ტურნირზეც უკაპიტნა.
კაპიტანმა ნაკრები ყველა დროის ყველაზე მეტი ჩატარებული მატჩების რეკორდით დატოვა.
შემდეგ მატჩს კი საქართველოს ეროვნული გუნდი უკვე კაშიას გარეშე, 5 ივნისს, ბაჰრეინის ნაკრების წინააღმდეგ გამართავს.
