ჰარი კეინმა მიანიშნა, რომ მზადაა, პრემიერ ლიგის კლუბების სერიოზული ინტერესის მიუხედავად, ბაიერნთან 2027 წლის ზაფხულამდე არსებული კონტრაქტი გაახანგრძლივოს.
"რამდენიმე კვირის წინ ღიად ვთქვი, რომ ბაიერნთან მსგავს თემაზე საუბარი ჯერ არ მქონია. თუმცა, თუ ასეთი რამ მოხდა, მზად ვიქნები, მოლაპარაკებების მაგიდაზე სრულიად გულწრფელად ვისაუბრო. ცხადია, ეს დამოკიდებულია იმაზეც, თუ როგორ წარიმართება მიმდინარე სეზონი და რას მივაღწევთ ერთად. ამჟამად, ვიტყოდი, რომ ფანტასტიკურ მომენტში ვართ და სხვა არაფერზე ვფიქრობ", - განუცხადა კეინმა ბრიტანულ მედიას.
ინგლისელი ფორვარდი მიმდინარე სეზონში ფანტასტიკურ ფორმაშია - ყველა ტურნირის ეგიდით ჩატარებულ 9 მატჩში 17 გოლი და 3 ასისტი აქვს. ამ ფონზე, მის კონტრაქტში, 67 მლნ ევროს ოდენობის გამოსასყიდი თანხაა ჩადებული, რაც ევროპული გრანდების ყურადღებას იქცევს.
კაპიტანი ჰარი ამჟამად ინგლისის ნაკრებთან ერთად იმყოფება და 9 რიცხვში - უელსთან (ამხანაგური) და 14-ში - ლატვიასთან გასამართი მატჩებისთვის ემზადება.
