ჰარი კეინის კომენტარი პსჟ-სთან პირველი მატჩის (4:5) შემდეგ.
„ვფიქრობ, დღეს ორი უმაღლესი დონის გუნდის თამაში ვიხილეთ, განსაკუთრებით შეტევასა და გარდამავალ ფაზაში. სისწრაფე და დაუჯერებელი ინტენსივობა ერთი-ერთზე ბრძოლებში. არცერთმა გუნდმა არაფერი დათმო.
ჯამში, გვქონდა მომენტები და უფრო ადრე შეგვეძლო სიტუაციის ჩვენს სასიკეთოდ დასრულება. თუმცა, ვამაყობთ იმით, რომ 5:4-მდე შევძელით სიტუაციის გამოსწორება, რადგან საშინაო მატჩის წინ 2:5-ს წაგება საკმაოდ მძიმე იქნებოდა.
დემბელე: „მატჩის ბოლოსკენ თამაში მივატოვეთ"
თუმცა, ვიბრძოლეთ და ორმატჩიან დუელში დავბრუნდით.
იყო მომენტები, როცა საბოლოო პასის ან დაგვირგვინების მომენტში უფრო მომაკვდინებლები უნდა ვყოფილიყავით. თამაშის გაგრძელებასთან ერთად თავდაჯერება გვემატებოდა, მეტოქე კი იღლებოდა.
საპასუხო მატჩშიც ანალოგიური ინტენსივობით უნდა ვითამაშოთ და საბოლოოდ დაპირისპირების ბედს ის გადაწყვეტს, საკუთარ მომენტებს ვინ უფრო გამოიყენებს. დღესაც ბევრი საგოლე მომენტი ვნახეთ და ალბათ, იგივე იქნება შემდეგ თამაშშიც.
ალიანც არენაზე გულშემატკივარი გვეყოლება გვერდით და იმედია, დაგვეხმარება საბოლოო ხაზის გადაკვეთაში." - აღნიშნა ინგლისელმა.
საპასუხო თამაში მიუნხენში 6 მაისს გაიმართება.
