კეინმა მუნდიალებზე გატანილი გოლებით პელეს გადაასწრო

ჰარი კეინმა კონგოს დემოკრატიულ რესპუბლიკასთან მატჩში დუბლი შეასრულა და მსოფლიო ჩემპიონატის ისტორიაში ახალი ისტორია დაწერა.

ინგლისის ნაკრების ცენტრფორვარდმა მსოფლიო ჩემპიონატებზე გატანილი გოლების რაოდენობა 13-მდე გაზარდა და ლეგენდარულ პელეს (12 გოლი) გადაასწრო.

მიმდინარე მსოფლიო ჩემპიონატზე ბაიერნის თავდამსხმელს უკვე 5 გოლი აქვს გატანილი, რაც მხოლოდ ერთით ნაკლებია ტურნირის საუკეთესო ბომბარდირების, ლიონელ მესისა და კილიან მბაპეს, მაჩვენებელზე.

მსოფლიო ჩემპიონატების ყველა დროის საუკეთესო ბომბარდირები:

ლიონელ მესი (არგენტინა) - 19 გოლი

კილიან მბაპე (საფრანგეთი) - 18 გოლი

მიროსლავ კლოზე (გერმანია) - 16 გოლი

რონალდო (ბრაზილია) - 15 გოლი

გერდ მიულერი (გერმანია) - 14 გოლი

ჟიუსტ ფონტენი (საფრანგეთი) და ჰარი კეინი (ინგლისი) - 13 გოლი

პელე (ბრაზილია) - 12 გოლი

ჰარი კეინის დუბლმა ინგლისს ბრძოლაში მოაგებინა