ჰარი კეინი ბაიერნში ბედნიერია და კლუბში თავისი მდგომარეობა სრულად აკმაყოფილებს.
ფაბრიციო რომანოს ინფორმაციით, პირველ რიგში კეინი ახალ კონტრაქტზე ბაიერნთან წამოიწყებს მოლაპარაკებებს და მხოლოდ ამის შემდეგ დაფიქრდება, ღირს თუ არა სხვა კლუბების შემოთავაზების მოსმენა.
ამ ეტაპზე ბარსელონაში შესაძლო გადასვლაზე საუბარი, რაც პრესაში აქტიურად მიმდინარეობს, ნაადრევი და აზრს მოკლებულია, რადგან კეინი ბაიერნზეა კონცენტრირებული და სატრანსფერო ჭორებს ყურადღებას არ აქცევს.
მოქმედი ხელშეკრულება კეინს ბაიერნთან 2027 წლის ზაფხულამდე აკავშირებს, სეზონის ბოლოს ინგლისელის გამოსყიდვა 65 მილიონ ევროდ იქნება შესაძლებელი.
ფეხბურთელის მიმართ ინტერესს ბარსელონას აწერენ, რომელიც, გავრცელებული ცნობების თანახმად, კეინს ლევანდოვსკის შემცვლელად მოიაზრებს.
