ხეტაფესთან მატჩი - ბოლო წვეთი ენდრიკისთვის

ენდრიკს მადრიდის რეალის სათადარიგო სკამზე ჯდომა მობეზრდა.

ESPN-ის ინფორმაციით, ფორვარდი მზადაა იანვარში კლუბი დატოვოს, მისმა წარმომადგენლებმა იჯარის შესაძლო ვარიანტების განხილვა დაიწყეს.

წყარო ხაზს უსვამს, რომ ხეტაფესთან კვირის მატჩი ბრაზილიელისთვის ბოლო წვეთად იქცა. 19 წლის ფეხბურთელი ხურდებოდა და მზად იყო მოედანზე შესასვლელად, თუმცა უთხრეს, რომ კვლავ არ ითამაშებს.

მაშინ, გაბრაზებულმა და იმედგაცრუებულმა ენდრიკმა ბოთლს ფეხი მიარტყა და მოედნისკენ მოისროლა - ეს ინციდენტი ჩაბი ალონსოსთვისაც არ დარჩა შეუმჩნეველი.

თავდამსხმელს ამ სეზონში ჯერჯერობით არცერთი წუთი არ აქვს ნათამაშები. წინა სეზონში მან ლა ლიგის 22 მატჩში მიიღო მონაწილეობა.