"ხომ არ დალია?" - გვარდიოლას რეაქცია ვაისის შედარებაზე

ჩემპიონთა ლიგის მე-2 ტურში სლოვან ბრატისლავა საკუთარ მოედანზე მანჩესტერ სიტის მიიღებს.

მატჩისწინა პრესკონფერენციაზე მასპინძელთა მთავარმა მწვრთნელმა ვლადიმირ ვაისმა პეპ გვარდიოლაზე ისაუბრა.

"პეპს ანტონიო გაუდის შევადარებდი. ის აშენებს ისეთ რამეს, რისი გაგებაც არავის შეუძლია. ის გენიოსია, როგორც გაუდი, რომელსაც კათედრალის აშენების იდეა ჰქონდა და ამას მიაღწია, როგორც მას სურდა. მან აირჩია მოთამაშეები, რომელიც მის ფილოსოფიას ერგებიან.

მიყვარს ანჩელოტი და კლოპი, მაგრამ პეპმა თავისი მიდგომით, კრეატიულობითა და კარგი გაგებით სიჯიუტით ფეხბურთი შეცვალა. ყველა ფეხბურთელი თავის პოზიციაზე თამაშობს. მოთამაშეებმა იციან, როგორ იმოძრაონ და რა დროს სად იყვნენ. სიტი ამ ყველაფერს მოედანზე აჩვენებს." - განაცხადა სლოვაკმა სპეციალისტმა.

პეპ გვარდიოლას უთხრეს, რომ მისმა კოლეგამ ის ანტონიო გაუდის შეადარა. ესპანელის რეაქცია კი ასეთი იყო: "სანამ ამას იტყოდა, ჩემმა კოლეგამ ჭიქა ღვინო ხომ არ დალია?"

არსენალი - პსჟ, კაშიას საკლუბო კარიერის უდიდესი მატჩი და სხვა - ჩემპიონთა ლიგის მე-2 ტური