ყირგიზეთის დედაქალაქ ბიშკეკში მიმდინარე სამბოს მსოფლიო ჩემპიონატის მეორე დღეს, ქართველმა სპორტსმენებმა კიდევ 2 მედალი მოიპოვეს და ჯამში ჩვენს ნაკრებს 5 მედალი აქვს.
სპორტული სამბოს 64 კგ. წონით კატეგორიაში, ავთო მუკბანიანმა ვერცხლის მედალი მოიპოვა. მან ფინალი მონღოლ მეტოქესთან დათმო.
პარასამბოს 79 კგ. წონით კატეგორიაში, ბრინჯაოს მედალი მოიგო მიშიკო შიობრიშვილმა - მესამე ადგილისთვის შეხვედრაში ყირგიზ სპორტსმენს აჯობა.
ორი დღის შედეგებით, მიმდინარე ტურნირზე საქართველოს ანგარიშზე ხუთი მედალია - მუკბანიანისა და შიობრიშვილის გარდა, სპორტული სამბოს კატეგორიაში, ბრინჯაოს მედლები ვახტანგ ჩიდრაშვილმა (58 კგ) და ელენე ქებაძემ (+80 კგ) მოიპოვეს, ხოლო საბრძოლო სამბოში ბრინჯაოს გიორგი ეგნატაშვილი (88 კგ) დაეუფლა.
