ყოფილმა ინგლისელმა არბიტრმა, მარკ კლატენბურგმა, ლეო მესის შემდეგ, კრიშტიანუ რონალდუს თამაშზეც ისაუბრა.
კლატენბურგი: "მესის თამაშზე ერთხელ ვიმუშავე და თავბრუ დამახვია"
„რონალდუ მესისგან განსხვავდებოდა. ორივე შთამბეჭდავი ფეხბურთელები იყვნენ, თუმცა მალევე შევნიშნე, როგორ ცდილობდა ის გუნდის აყოლიებას. ახალგაზრდა ასაკშიც კი, მასში რაღაც კაპიტნური იყო, ის გუნდს იყოლიებდა, ყველას მაგალითს აძლევდა.
მასთან მუშაობა ბევრად მიმარტივდებოდა, რადგან ინგლისურს უკეთ ფლობდა, მესისგან განსხვავებით, რომელმაც ის თითქმის არ იცოდა.
გამიმართლა, რომ ჩემი კარიერის საკვანძო მომენტები დაემთხვა რონალდუს კარიერის საკვანძო მომენტებს. ერთ წელში ჩემპიონთა ლიგისა და ევროპის ჩემპიონატის ფინალი [2016] - მისთვისაც შესანიშნავი იყო და ჩემი კარიერის მწვერვალადაც იქცა.
მას არასდროს არ ვუყურებდი როგორც სუპერვარსკვლავს, ჩემთვის ის იყო მსოფლიო დონის ფეხბურთელი, რომელთან ერთადაც, ერთ მოედანზე ყოფნა გამიმართლა. ზოგჯერ ის რაღაც ისეთს აკეთებდა, რაც მაოცებდა და მაფიქრებინებდა, რომ ეს დაუჯერებელია.
არც ისე ბევრი ფეხბურთელი არსებობდა, რომელმაც ჩემი გაოცება მოახერხა. რონალდუ ელიტური ფეხბურთელი იყო, ისევე როგორც მესი. ასევე სუარესიც. ზოგ ფეხბურთელს ჰქონდა თამაშის გამოცოცხლების შესანიშნავი უნარი, რაც ასეთ დროს გაფიქრებინებს - ვაუ, ეს მართლა მოხდა?!
ისინი გამარჯვებულები არიან. ამიტომაც დგანან თავიანთი პროფესიის მწვერვალზე. როცა უფრო გამოცდილი გავხდი, მათი ფსიქოლოგიის უკეთ გაგება ვისწავლე; შემეძლო წინასწარ გამომეცნო, შემდეგ რას იზამდნენ, ჯერ კიდევ იქამდე, სანამ ისინი ამას გააკეთებდნენ. მათ ეს მოსწონდათ და ალბათ, ფიქრობდნენ: "ღმერთო, მან იცის, შემდეგ რას გავაკეთებთ." - აღნიშნა ექს-მსაჯმა.
