აშშ-ის ნაკრების ყოფილმა თავდამსხმელმა და ამჟამინდელმა ანალიტიკოსმა ტეილორ ტუელმენმა 2026 წლის მსოფლიო ჩემპიონატის წინ პორტუგალიის ნაკრების შანსები შეაფასა.
მისი თქმით, 41 წლის კრიშტიანუ რონალდუს როლი გუნდში გადასახედია და ნაკრები ბევრად უფრო ეფექტური იქნება, თუ მათი კაპიტანი სათადარიგოთა სკამზე დარჩება.
ეს არის საუკეთესო გუნდი, რომელიც რონალდუს ოდესმე ჰყოლია გვერდით პორტუგალიის ნაკრებში მსოფლიო ჩემპიონატზე გამგზავრებისას. ვფიქრობ, პორტუგალია თავის საუკეთესო ფეხბურთს მაშინ აჩვენებს, თუ ის საერთოდ არ ითამაშებს
ტუელმენის ამ განცხადების მთავარი არგუმენტი პორტუგალიელთა შემადგენლობის უდიდესი სიღრმეა. რობერტო მარტინესის განკარგულებაში ისეთი მაღალი დონის შემტევები არიან, როგორებიც ბრუნო ფერნანდესი, ბერნარდუ სილვა და რაფაელ ლეაუ არიან. ექსპერტების აზრით, ამ რესურსით გუნდს შეუძლია მაღალი პრესინგი ითამაშოს, რაც ვეტერანი თავდამსხმელის ამჟამინდელ ფიზიკურ კონდიციებს ნაკლებად შეესაბამება.
მსოფლიო ჩემპიონატი პორტუგალიელი ვარსკვლავისთვის კარიერაში მეექვსე და სავარაუდოდ ბოლო იქნება. მიუხედავად გარედან წამოსული კრიტიკისა, მთავარი მწვრთნელი რობერტო მარტინესი კაპიტანს სრულ მხარდაჭერას უცხადებს. პორტუგალია ჯგუფურ ეტაპზე კონგოს დემოკრატიულ რესპუბლიკას, უზბეკეთსა და კოლუმბიას დაუპირისპირდება, სადაც მარტინესს მოუწევს იპოვოს ბალანსი გუნდის ისტორიულ მემკვიდრეობასა და უშუალო შედეგს შორის.
