ბოლო დღეების ყველაზე ცხელი და აქტუალური საკითხია - ვინ ჩაიბარებს მადრიდის რეალს.
პრესაში ყველაზე აქტიურად იურგენ კლოპის და ჟოზე მოურინიოს ვარიანტებზე იწერება. დღეს კი გაირკვა, ამ ორს შორის თავად ფეხბურთელებს რომლის ხილვა ურჩევნიათ მადრიდში.
La SER-ის ინფორმაციით, რეალის გასახდელში კლოპი ბევრად უფრო მოსწონთ, ვიდრე მოურინიო.
მოთამაშეების აზრით, კრიზისულ პერიოდში, მოურინიოსთან შესაძლოა კონფლიქტი მოუვიდეთ მისი მძიმე ხასიათის გამო. გარდა ამისა, პორტუგალიელის მუშაობის სტილი ბევრად უფრო აგრესიულია, ვიდრე გერმანელის.
ამ მიზეზთა გამო, რეალის გასახდელი ბევრად უფრო ელოდება იურგენ კლოპის დანიშვნას, ვიდრე ჟოზე მოურინიოსი.
