კლოპის მრავალწლიანი ასისტენტი ზალცბურგის მთავარი მწვრთნელი გახდა

იურგენ კლოპის ასისტენტმა, პეპ ლაინდერსმა დამოუკიდებელი სამწვრთნელო საქმიანობა დაიწყო.

დღეს ნიდერლანდელი სპეციალისტი ავსტრიული ზალცბურგის მთავარ მწვრთნელად ოფიციალურად წარადგინეს.

მხარეებს შორის კონტრაქტი 2027 წლამდე გაფორმდა, ლაინდერსი ლივერპულს კლოპთან ერთად ტოვებს და თავის მეორე დამოუკიდებელ საქმიანობას იწყებს - 2018-ში მან ძალები ნაიმეგენის სათავეში მოსინჯა, თუმცა იმავე წელს კლოპთან დაბრუნდა და მას შემდეგ გერმანელი სპეციალისტის გვერდიგვერდ მუშაობს.

შეგახსენებთ, რომ სეზონის ბოლოს ლივერპულს თავად იურგენ კლოპიც ტოვებს, მის ნაცვლად კლუბში უდიდესი ალბათობით ფეიენოორდის მწვრთნელი, არნე სლოტი დაინიშნება.