კონორ მაკგრეგორმა ირლანდიის პრეზიდენტობისთვის ბრძოლის სურვილი გამოთქვა და ოფიციალური განცხადება გააკეთა.
"ირლანდიის მოქალაქეებო, რეალური ცვლილებების დრო დადგა!
როგორც პრეზიდენტი, მე არ მოვაწერ ხელს არცერთ კანონპროექტს, სანამ ის ჯერ ხალხს არ დაუბრუნდება!
თუ გსურთ, რომ ჩემი სახელი პრეზიდენტობის კანდიდატთა ბიულეტენზე იხილოთ, მოგიწოდებთ დაუკავშირდეთ თქვენს ადგილობრივ საოლქო საბჭოს წევრებს და სთხოვოთ, რომ ნომინაცია გამიწიონ.
ჩვენი საბჭოს წევრები არიან ჩვენი საზოგადოების საყრდენი. ისინი უფრო მეტად შრომობენ და უფრო მეტს აკეთებენ ხალხისთვის, ვიდრე ოიარეახტას წევრები, რომლებსაც ეს ქვეყანა კვლავ და კვლავ უკან მიჰყავთ.
თუ თქვენ ხართ საბჭოს წევრი, რომელიც გრძნობს, რომ თქვენი ხმა უგულებელყოფილია, ხელები შეკრული გაქვთ და თქვენი საზოგადოება მიჩქმალულია, მაშინ მოგიწოდებთ, დადგეთ ჩემ გვერდით. ნომინაცია გამიწიეთ და მე მოგცემთ პლატფორმას და ძალას, რომ ნამდვილად ისმოდეს თქვენი ხმა.
თუ გსურთ, რომ მაკგრეგორს ხმა მისცეთ, ეს იწყება ახლა. დარეკეთ თქვენს ადგილობრივ საბჭოს წევრთან და მოითხოვეთ ცვლილება.
Ar aghaidh, ar son na hÉireann! (წინ, ირლანდიის სახელით!)"
ირლანდიის საპრეზიდენტო არჩევნები 24 ოქტომბერს გაიმართება.
