აშშ-ის პრეზიდენტ დონალდ ტრამპის თქმით, UFC-ის დიდი ხნის ნანატრი ღონისძიება თეთრ სახლში მის დაბადების დღეს, 14 ივნისს გაიმართება. ტრამპი ამ დღეს 80 წლის ხდება.
"მომავალ წელს, 14 ივნისს, თეთრი სახლის ტერიტორიაზე, UFC-ის დიდი ბრძოლა გვექნება“, - თქვა ტრამპმა ვირჯინიის შტატში, მიმართვის დროს.
UFC-ის ეს ამბავი ჯერჯერობით ოფიციალურად არ დაუდასტურებია. თუმცა ვიცით, რომ მისმა აღმასრულებელმა დირექტორმა, დანა უაითმა ადრე განაცხადა, რომ ღონისძიება მოიცავს აბრაამ ლინკოლნის მემორიალთან ოფიციალურ აწონვას და რომ თეთრი სახლის გაზონზე ბალახის შეცვლა შემდგომში 700 000 დოლარი დაჯდება. უაითმა ასევე თქვა, რომ მებრძოლები ოვალური კაბინეტიდან ოქტაგონამდე ფეხით მივლენ.
უაითს ასევე ნათქვამი აქვს, რომ UFC ღონისძიებისთვის ბრძოლების დაჯავშნასაც კი არ დაიწყებს, 2026 წლის პირველ კვარტალში. ყოფილმა ორი წონის ჩემპიონმა, კონორ მაკგრეგორმა გამოთქვა ინტერესი, რომ ღონისძიებაზე ამერიკელ მაიკლ ჩენდლერს დაუპირისპირდეს. ჯონ ჯონსმა, რომელიც MMA-დან ყველა დროის საუკეთესო მებრძოლის სტატუსით წავიდა, ასევე განაცხადა, რომ სპეციალურად ამ ღონისძიებისთვის დაბრუნება სურს.
