ბათუმში მიმდინარე კონტაქტური კარატეს ევროპის ჩემპიონატის პირველ დღეს, საქართველოს ნაკრებმა 9 მედალი მოიპოვა.
ევროპის ჩემპიონობა ნინო შუბითიძემ (-55 კგ.), გიორგი ძნელაძემ (-60 კგ.) და საბა ჭრელაშვილმა (+80 კგ.) იზეიმეს, ვიცე-ჩემპიონები ნანა ნიკურაძე (-55 კგ.) და ამირან ტატულიშვილი (-80 კგ.) გახდნენ, ხოლო ბრინჯაოს მედალს გიორგი ბარნაველი (-60 კგ.), ედგარ აბგარიანი (-65 კგ.), ოსკარ ჰინშლეი (-65 კგ.) და მალხაზ ქაჯაია (-70 კგ.) დაეუფლნენ.
შედეგად, პირველი საშეჯიბრებო დღის შემდეგ, საქართველოს ნაკრების ანგარიშზე 3 ოქროს, 2 ვერცხლისა და 4 ბრინჯაოს მედალია.
საქართველო კონტაქტურ კარატეში ევროპის ჩემპიონატს მესამედ, ბათუმი კი პირველად მასპინძლობს - ევროპის ჩემპიონატი 2016 და 2021 წლებში თბილისში ჩატარდა. ჩემპიონატი, რომელშიც 22 ქვეყნის 500-ამდე სპორტსმენი მონაწილეობს, 10 მაისს დასრულდება.
