VIDEO: იმნაძემ გაიტანა - ქართველების ჟენისმა მოსიაშვილის ჟეტისუ დაამარცხა
1 სთ წინ · 0 წთ წასაკითხად
-
Aa
+
ფონტის ზომა
ყაზახეთის პრემიერ ლიგის მე-9 ტურში, ქართველების ჟენისმა ჟეტისუ სტუმრად დაამარცხა და კარგ სერიას აგრძელებს - 3:2.
თავიდანვე ვთქვათ, რომ ჟეტისუს რიგებში ცოტნე მოსიაშვილმა 90 წუთი ითამაშა, ხოლო ჟენისის ძირითადში ლუკა იმნაძე (89-ე წუთამდე) და ელგუჯა ლობჯანიძე (45 წუთი) იყვნენ, ზურაბ თევზაძემ კი ზედიზედ მე-3 შეხვედრა გამოტოვა.
მე-14 წუთზე, იმნაძემ მცველს დაასწრო და თავისი გუნდი 2:0 დააწინაურა. ქართველი შემტევისთვის მიმდინარე ჩემპიონატის მე-9 თამაშში პირველი გოლია.
ჟენისმა ზედიზედ მე-4 დაუმარცხებელი შეხვედრა ჩაატარა (3 მოგება, 1 ფრე), 13 ქულა მოაგროვა და სამეულს 3 ქულით ჩამორჩება.
მომდევნო ტურში, 17 მაისს, ჩემპიონატის ერთპიროვნულ ლიდერ კაირათს (21 ქულა) უმასპინძლებენ. მოსიაშვილის ჟეტისუ კი იმავე დღეს მე-2 ადგილოსან ორდაბასის ესტუმრება.
