სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
2 თვის წინ · 0 წთ წასაკითხად
-
Aa
+
ფონტის ზომა
როცა ევრო 2024-ს ფინალი დასრულდება, დაახლოებით 3, ან თუ დამატებითები ვიხილეთ სულაც 2 საათში კოპა ამერიკას გადამწყვეტი და არანაკლებ საინტერესო დაპირისპირება გველის.
არგენტინა - კოლუმბია [04:00]
ფინალამდე განვლილ გზაში არგენტინამ ორჯერ დაამარცხა კანადა (ჯერ ჯგუფში და შემდეგ 1/2 ფინალში), ასევე მოუგო ჩილესა და პერუს, ეკვადორთან 1/4 ფინალში კი ფრე ითამაშა და ნახევარფინალური საგზურის მოპოვება პენალტების სერიაში მოუწია.
5 ჩატარებულ შეხვედრაში არგენტინის ნაკრებმა 8 გოლი გაიტანა, საიდნანაც ზუსტად ნახევარი ლაუტარო მარტინესზე მოდის, ორი გოლი ხულიან ალვარესმა შეაგდო, თითო-თითო კი ლეო მესიმ და ლისანდრო მარტინესმა.
კოლუმბიამ ჯგუფში პარაგვაის (2:1) და კოსტა რიკას (3:0) მოუგო, ბრაზილიას ფრე (1:1) ეთამაშა და ჯგუფიდან 1/4 ფინალში პირველი ადგილით გავიდა, სადაც პანამა გაანადგურა (5:0). ყველაზე რთული ტესტი გუნდმა 1/2 ფინალში გაიარა, სადაც ურუგვაისთან მოუწია დაპირისპირება და საქმე პენალტებამდე მივიდა.
დღეს საინტერესო დაპირისპირება გველის, რადგან ერთი გუნდი ამ ტურნირის ყველა დროის ყველაზე ტიტულოვანი ნაკრებია, მეორე კი ისტორიაში მესამედ გავიდა გადამწყვეტ მატჩამდე.
განსაკუთრებულ მოტივაციას დღევანდელ მატჩში არგენტინელებისთვის ის სძენს, რომ ანხელ დი მარია ნაკრებში თავის უკანასკნელ მატჩს ჩაატარებს - ელ ფიდეოს ნათქვამი აქვს, რომ კოპა ამერიკა 2024-ს შემდეგ სანაკრებო კარიერას დაასრულებს.
არგენტინას კოპა ამერიკაზე ჯამში 29 ფინალი აქვს ნათამაშები - გუნდმა 15 გამარჯვება მოიპოვა და 14-ჯერ დამარცხდა. უკანასკნელი გამარჯვება 2021-ში ბრაზილიასთან მოიპოვა, უკანასკნელად ფინალში კი 2016-ში, ჩილესთან დამარცხდა. ამრიგად, არგენტინისთვის ეს საიუბილეო, 30-ე ფინალი იქნება.
კოლუმბია, როგორც გითხარით, ფინალს მესამედ ითამაშებს - პირველი გუნდმა 1975-ში პერუსთან დათმო, მეორე კი 2001-ში მექსიკას მოუგო.
15-15 ტიტულით კოპა ამერიკას ყველაზე ტიტულოვანი გუნდები არგენტინა და ურუგვაი არიან, თუმცა თუ არგენტინამ თავისი 15 ტიტული 29 ფინალიდან მოიგო, ურუგვაის საამისოდ მხოლოდ 21 გადამწყვეტი თამაშის ჩატარება დასჭირდა.
აქვე იმასაც მოგახსენებთ, რომ არგენტინა და კოლუმბია ერთმანეთს ისტორიაში 39-ჯერ დაუპირისპირდნენ, საიდანაც 22 გამარჯვება არგენტინას შეხვდა, 9 - კოლუმბიას, კიდევ 8 მატჩი კი ფრედ დასრულდა.
უკანასკნელი მატჩი 2022 წელს შედგა და არგენტინის გამარჯვებით 1:0 დასრულდა. წინა კოპაზე გუნდები ნახევარფინალში შეხვდნენ ერთმანეთს და არგენტინამ პენალტებში იმარჯვა.
კოლუმბიის უკანასკნელი გამარჯვება კი 2019 წლის კოპა ამერიკას ჯგუფურ ეტაპზე დაფიქსირდა, როცა გუნდმა არგენტინას 2:0 სძლია.
სავარაუდო შემადგენლობები
არგენტინა: ემილიანო მარტინეს, მოლინა, რომერო, ლისანდრო, ტალიაფიკო, დე პოლი, ენცო ფერნანდესი, მაკ ალისტერი, გონსალესი, ალვარესი, მესი
კოლუმბია: ვარგასი, არიასი, სანჩესი, კუესტა, მოხიკა, რიოსი, ლერმა, ჯონ არიასი, ხამესი, ლუის დიასი, კორდობა.
ნ
ნიკა შაქარაშვილი
კომენტარები