კორსანტია: "ტრადიცია, რომ ქართული კლუბები ევროასპარეზზე გადიან, კარგია"

საქართველოს ნაკრების კალათბურთელმა, გიორგი კორსანტიამ adjarabet arena-ს პროექტში "თამაშგარეთ" ქუთაისის ევროტურნირზე ასპარეზობაზე ისაუბრა.

"ევროტურნირებზე გასვლა ძალიან კარგი არის. დიდხნიანი პაუზის შემდეგ წინა წელს დაიწყო და ჩვენ წელს გავედით. უმნიშვნელოვანესი გამარჯვება მოვიპოვეთ 11-წლიანი პაუზის შემდეგ გასვლითი თამაში მოვიგეთ ბულგარეთში, რაც ძალიან კარგი იყო. მეტიც გვინდოდა, მაგრამ ის ამბავი, რომ ეს ტრადიცია შემოვიდა და მეორე წელი ზედიზედ ქართული კლუბები ევროასპარეზზე რომ გადიან, უკვე კარგია.

ამით როგორც ქართველ, ისე უცხოელ მაყურებელს ვანახებთ, რომ საქართველოში კალათბურთი არსებობს, თან მაღალ დონეზე და ისინი რწმუნდებიან, რომ კალათბურთი საქართველოში ერთ-ერთი მნიშვნელოვანი სპორტია. მადლობა ქუთაისს და მათ, ვინც ამ შედეგისთვის შრომობენ." - განაცხადა კორსანტიამ.

ქუთაისმა FIBA ევროპის თასის ჯგუფურ ეტაპზე გამოსვლა 6 მატჩში 2 გამარჯვებით დაასრულა და 8 ქულით ჯგუფში მე-3 ადგილი დაიკავა. ქართულმა გუნდმა ოირვე შემთხვევაში ბულგარული ბალკანი დაამარცხა.

თამაშგარეთ - გიორგი კორსანტია