კორსანტიამ ორმაგი დუბლი შეასრულა და საუკეთესო იყო - გიპუსკოამ ზედიზედ მეოთხედ მოიგო

გიორგი კორსანტიას გიპუსკოამ, ესპანეთის რანგით მე-2 დივიზიონის მე-11 შეხვედრაში, საკუთარ დარბაზში მელიია დიდი სხვაობით დაამარცხა - 84:62.

ქართველს მატჩში მთავარი გავლენა ჰქონდა და საუკეთესო იყო. 27:28 წუთი ითამაშა და ორმაგი დუბლი მიითვალა - 14 ქულა, 11 მოხსნა, 1 ასისტი. 8-დან 4 ორქულიანი, 1-დან 0 სამქულიანი და 8-დან 6 საჯარიმო ჩააგდო.

ბასკურმა კლუბმა ზედიზედ მე-4 და სეზონში მე-5 შეხვედრა მოიგო და საპლეიოფო ზონაში შევიდა.

მომდევნო ტურში გუნდი ერთ-ერთ კონკურენტ ოურენსეს (10 მატჩში 6 მოგება) სტუმრად შეხვდება - 20 დეკემბერს.