ფინალში დამარცხდა - ალექსანდრე ბალაძე ევროპის ვიცე-ჩემპიონი გახდა

გერმანიის ქალაქ კინბაუმში გამართულ კრივის 17-წლამდე ევროპის ჩემპიონატზე, ალექსანდრე ბალაძემ ვერცხლის მედალი მოიპოვა.

80 კგ. წონითი კატეგორიის ფინალში, ბალაძე მონტენეგროელ მატია როგანოვიჩს შეხვდა, დამარცხდა და ტურნირის ვიცე-ჩემპიონის სტატუსი დაიმსახურა.

საქართველოს ნაკრებმა ევროპირველობა 5 მედლით დაასრულა - რატი ხარბედიამ (46 კგ.), შალვა ბერიძემ (48 კგ.), ზაზა მდინარიძემ (52 კგ.) და ჰასან აკპინარმა ბრინჯაოს მედლები მოიპოვეს.