კროოსმა პედრის ბოდიში მოუხადა

ტონი კროოსმა სოციალურ ქსელში პოსტი გამოაქვეყნა, რომლის ერთ ნაწილშიც პედრისთან მომხდარ ეპიზოდს შეეხო.

"ბოდიშს ვუხდი პედრის, მალე გამოჯანმრთელდი. ჩემი განზრახვა ტრავმის მოყენება არ ყოფილა. სწრაფ რეაბილიტაციას და ყველაფერ საუკეთესოს გისურვებ. დიდებული მოთამაშე ხარ." - წერს გერმანელი ნახევარმცველი, რომლისთვისაც ესპანეთთან მატჩი კარიერაში ბოლო იყო.

გერმანელმა მატჩის დასაწყისში პედრის წინააღმდეგ იუხეშა, ესპანელმა ნახევარმცველმა კი დაზიანება მიიღო და თამაში ვეღარ გააგრძელა, მის ნაცვლად კი მოედანზე დანი ოლმო შემოვიდა, რომელმაც მეტოქის კარში გოლის გატანა შეძლო.

რაც შეეხება პედრის, ის საფრანგეთთან 1/2 ფინალურ შეხვედრაში მონაწილეობას ვერ მიიღებს.

ბრძოლა ფავორიტებს შორის, დრამა ბოლო წუთებზე და ლეგენდის დასასრული

ტონი კროოსმა საფეხბურთო კარიერა 34 წლის ასაკში დაასრულა.

ტონი კროოსის კარიერა რიცხვებში