კუნდე ინტერთან საპასუხო მატჩს და ელ კლასიკოს გამოტოვებს

ბარსელონას მცველმა ჟულ კუნდემ ინტერთან გუშინდელ მატჩში ტრავმა მიიღო და თამაში ბოლომდე ვერ ჩაამთავრა. 

დღეს ჩატარებულმა გამოკვლევამ ფრანგ ფეხბურთელს კუნთის პრობლემა დაუდგინა, რის გამოც ის დაახლოებით 2-3 კვირას გამოტოვებს.

ეს კი იმას ნიშნავს, რომ კუნდე ბარსელონას გარანტირებულად გამოაკლდება ინტერთან საპასუხო მატჩში და რეალთან 11 მაისს გასამართ ელ კლასიკოში.

ინტერთან საპასუხო შეხვედრა 6 მაისს, მილანში გაიმართება. 

ექიმების ვარაუდით, ბარსელონას ინტერთან მატჩში ტრავმირებული ალექს ბალდე დაუბრუნდება, რობერტ ლევანდოვსკი კი, თუ გაუთვალისწინებელი არაფერი მოხდა, განაცხადში მოხვდება და თამაშს სკამზე დაიწყებს.