ხვიჩა კვარაცხელია საქართველოს ნაკრების ისტორიაში 28-ე კაპიტანია, რომელმაც გუნდი მოედანზე გაიყვანა.
კაპიტნის რანგში ჩატარებული მატჩების რაოდენობიხ მხრივ, რეკორდსმენი ჯაბა კანკავაა - 61 შეხვედრა, მასთან ყველაზე ახლოს კი კახა კალაძე და გურამ კაშია არიან.
10 ფეხბურთელი, რომლებმაც საქართველოს ნაკრებს ყველაზე მეტჯერ უკაპიტნეს (იგულისხმება თამაშის დასაწყისიდან):
1. ჯაბა კანკავა - 61 მატჩი (2012-2021);
2. კახა კალაძე - 52 მატჩი (1999-2011);
3. გურამ კაშია - 48 მატჩი (2013-);
4. გიორგი ნემსაძე - 36 მატჩი (1997-2004);
5. კახა ცხადაძე - 23 მატჩი (1991-1998);
6. ლევან კობიაშვილი - 16 მატჩი (2006-2010);
7. ზურა ხიზანიშვილი - 10 მატჩი (2005-2012);
8-10. გოჩა ჯამარაული - 7 მატჩი (1994-2004);
8-10. თემურ ქეცბაია - 7 მატჩი (1995-2002);
8-10. ალექსანდრე ამისულაშვილი - 7 მატჩი (2011-2016).
ათეულთან ყველაზე ახლოს მურთაზ შელიაა, რომელმაც გუნდი მოედანზე 5-ჯერ გაიყვანა - 1994-1995 წლებში.
როგორც ბულგარეთთან მატჩისშემდგომ პრესკონფერენციაზე ზურაბ ხიზანიშვილმა განაცხადა, გურამ კაშიას შემდეგ ნაკრებს ამჟამად 3 ვიცე-კაპიტანი ჰყავს - ოთარ კიტეიშვილი, ოთარ კაკაბაძე და ხვიჩა კვარაცხელია.
