კვარას გარეშე მოთამაშე პსჟ-ს თასის ფინალში გასასვლელად ქამბექი დასჭირდა

საფრანგეთის თასის ნახევარფინალში პარი სენ-ჟერმენმა მეორელიგელი დანკერკი დიდი სირთულეებით დაამარცხა.

შეხვედრა ლუის ენრიკეს გუნდის გამარჯვებით 4:2 დასრულდა, თუმცა პარიზელები 0:2-ს აგებდნენ.

ხვიჩა კვარაცხელიამ თამაში ჯანმრთელობის პრობლემების გამო გამოტოვა. ქართველის არყოფნაში ლიდერობა უსმან დემბელემ ითავა, რომელმაც ორი გოლი და საგოლე გადაცემა მიითვალა. გოლების გატანა შეძლო ასევე მარკინიოსმა და დეზირე დუემაც.

ამ გამარჯვებით პსჟ ფინალში გავიდა, სადაც კანი - რეიმსის წყვილში გამარჯვებულს შეხვდება.