ბუდაპეშტის პუშკაშ არენაზე გასამართი მატჩის წინ საქართველოს ეროვნული ნაკრების კაპიტანმა ხვიჩა კვარაცხელიამ მედიასთან ისაუბრა.
საქართველოს ნაკრების ლიდერმა აღნიშნა:
სასიამოვნოა აქ დაბრუნება, იმიტომ, რომ კარგად მახსენდება ეს სტადიონი. რთულ გარემოს ველოდებით, ვიცით, რამდენად კარგი გულშემატკივრობა იციან უნგრეთში. ჯგუფში ჯერ თითოეულ გუნდს აქვს შანსი, რომ გავიდეს პირველ ადგილზე, მეორეზე. ვფიქრობ, ჩვენ მზად ვართ - იდეალური გარემოა გუნდში და ვეცდებით, რომ მაქსიმუმი დავდოთ მოედანზე და მოვიპოვოთ სამი ქულა. განსაკუთრებული მადლობა ჩვენს გულშემატკივრებს, რომლებიც აქაც გვერდში გვიდგანან - ყველაფერს გავაკეთებთ იმისთვის, რომ ყველა გავახაროთ.
შეგახსენებთ, რომ უეფას ერთა ლიგის B2 ჯგუფის მე-3 ტურის შეხვედრა უნგრეთსა და საქართველოს შორის 2 ოქტომბერს, 22:45 საათზე დაიწყება.
