კვარაცხელია ჩემპიონთა ლიგის სეზონის საუკეთესო ფეხბურთელად დასახელდა

უეფას დამკვირვებელთა ტექნიკურმა ჯგუფმა ხვიჩა კვარაცხელია 2025/26 წლების უეფას ჩემპიონთა ლიგის სეზონის საუკეთესო მოთამაშედ დაასახელა.

ხვიჩა კვარაცხელიას 2025/26 წლების ჩემპიონთა ლიგის სტატისტიკა:

მატჩები: 16

ნათამაშები წუთები: 1,141

გოლები: 10

საგოლე გადაცემები: 6

დაფარული მანძილი: 124.17 კმ

მაქსიმალური სიჩქარე: 33.7 კმ/სთ

ქართველმა ვინგერმა მნიშვნელოვანი წვლილი შეიტანა იმაში, რომ პარი სენ-ჟერმენმა ზედიზედ მეორედ მოიპოვა ჩემპიონთა ლიგის ტიტული.

ტურნირის განმავლობაში მან 10 გოლი გაიტანა და 6 საგოლე გადაცემა შეასრულა, მარცხენა ფლანგზე ბრწყინვალე თამაშით კი არაერთხელ აღაფრთოვანა გულშემატკივრები.

კვარაცხელია ასევე გადამწყვეტი ფიგურა იყო არსენალთან ფინალურ გამარჯვებაში. მატჩის დროს კრისტიან მოსკერამ მასზე წესები დაარღვია საჯარიმოში, რის შედეგადაც დაინიშნა პენალტი, რომელიც უსმან დემბელემ ზუსტად შეასრულა და ლუის ენრიკეს გუნდმა ანგარიში 1:1 გახადა.

შესაძლოა, კვარაცხელიას საუკეთესო თამაში დაუვიწყარ ნახევარფინალურ პირველ შეხვედრაში შედგა ბაიერნის წინააღმდეგ, რომელიც პარიზელთა 5:4 გამარჯვებით დასრულდა. ქართველმა ჯერ ულამაზესი დარტყმით გაათანაბრა ანგარიში 1:1-ზე, შემდეგ კი მეორე ტაიმში ძლიერი დარტყმით კიდევ ერთი გოლი გაიტანა და დუბლი შეასრულა.

წინა წლების გამარჯვებულები:

2024/25: უსმან დემბელე (პსჟ)

2023/24: ვინისიუს ჟუნიორი (რეალი)

2022/23: როდრი (მანჩესტერ სიტი)

2021/22: ქარიმ ბენზემა (რეალი)

უეფამ ჩემპიონთა ლიგის სეზონის გუნდი დაასახელა