"კვარაცხელიამ კონტეს მოსვლით ყველაზე დიდი სარგებელი მიიღო" - ინტერის ყოფილი მწვრთნელი

მილანის ინტერის ყოფილმა მწვრთნელმა ანდრეა სტრამაჩიონიმ ანტონიო კონტეს ნაპოლიში მისვლის ეფექტზე ისაუბრა.

"ნაპოლი სოლიდურ თამაშს კონტეს ბალანსის წყალობით აჩვენებს, რაც გასულ სეზონში მთავარი პრობლემა იყო.

ახლა გუნდი კომპაქტურია, რაც პირველი დღიდან შესამჩნევია. კვარაცხელია ყურადღების ცენტრში დაბრუნდა. ის არის მოთამაშე, რომელმაც ყველაზე დიდი სარგებელი მიიღო კონტეს მოსვლით.

ნაპოლიმ მონცასთან მისი გოლის წყალობითაც მოიგო." - უთხრა იტალიელმა DAZN-ს.

ანტონიო კონტეს თავკაცობით ნაპოლი სერია ა-ს მიმდინარე სეზონში ჩატარებული 6 ტურის შემდეგ 13 ქულით სატურნირო ცხრილს სათავეში უდგას, ხვიჩა კვარაცხელიას ანგარიშზე კი 3 გოლი და 2 საგოლე გადაცემაა.