პარი სენ-ჟერმენის ქართველი ვარსკვლავი ხვიჩა კვარაცხელია, რომელიც ჩემპიონთა ლიგაზე ბრწყინვალე თამაშის გამო ოქროს ბურთის ერთ-ერთ კანდიდატადაც კი განიხილება, მხოლოდ ფეხბურთით არ არის გატაცებული.
25 წლის შემტევი დიდი ხანია NBA-ის აქტიური გულშემატკივარია და მოედანზე გოლებს ხშირად სტეფენ კარის ან რასელის სტილში აღნიშნავს.
საფრანგეთში NBA-ის მატჩების დაბრუნებასთან დაკავშირებით, კვარაცხელიამ თავისი საყვარელი მოთამაშეების ვინაობა გაამჟღავნა. მიუხედავად იმისა, რომ პსჟ-ის დიდი ქომაგი ფრანგი ვარსკვლავი ვიქტორ ვემბანიამაა, ხვიჩას რჩეული სულ სხვა კალათბურთელი აღმოჩნდა.
მინესოტას მე-5 ნომერი, ენტონი ედვარდსი - ის ამჟამად ჩემი საყვარელი მოთამაშეა. ვფიქრობ, ის NBA-ის ბევრ ბეჭედს მოიგებს
კვარაცხელიამ ასევე დაასახელა თავისი ყველა დროის უსაყვარლესი ათლეტიც, რომელიც ლოს ანჯელეს ლეიკერსის გარდაცვლილი ლეგენდა, კობი ბრაიანტია.
საინტერესოა, რომ ვემბანიამას სან ანტონიო სპურსმა პლეი-ოფის წინა რაუნდში სწორედ ენტონი ედვარდსის მინესოტა გამოთიშა ასპარეზობას. თუმცა, მიუხედავად იმისა, რომ კვარაცხელიას ფავორიტი მისი მთავარი კონკურენტია, ვემბანიამას პსჟ-ისადმი სიყვარული მაინც უცვლელი რჩება, ფრანგი გიგანტი ბავშვობიდან პარიზული კლუბის თავგამოდებული გულშემატკივარია და წარსულში ფეხბურთს თავადაც თამაშობდა, სადაც მეკარე იყო.
