კვარაცხელიას გოლი და ნაპოლის დამაჯერებელი გამარჯვება

იტალიის სერია ა-ს მე-6 ტურში ნაპოლიმ დიეგო არმანდო მარადონას სახელობის სტადიონზე მონცა მიიღო.

მასპინძლებმა საქმე პირველივე ტაიმში გააკეთეს. 22-ე წუთზე ანგარიში მატეო პოლიტანომ გახსნა, 33-ე წუთზე კი სხვაობა ორამდე ხვიჩა კვარაცხელიამ გაზარდა.

შეხვედრის დარჩენილ ნაწილში ანგარიში აღარ შეცვლილა და ნაპოლიმ დამაჯერებელი გამარჯვება მოიპოვა.

ანტონიო კონტემ ქართველი შემტევი მოედნიდან 75-ე წუთზე გაიყვანა. ხვიჩამ Sofascore-სგან 7.3 შეფასება დაიმსახურა.

6 ტურის შემდეგ ნაპოლის 13 ქულა აქვს, პარტენოპეი სატურნირო ცხრილს სათავეში ჩაუდგა და მეორეადგილოსან იუვენტუსს 1 ქულით უსწრებს.

ხვიჩა კვარაცხელიას მიმდინარე სეზონში უკვე 3 გოლი და 2 საგოლე გადაცემა აქვს.