იტალიის სერია A-ს მე-12 ტურში გიორგი კვერნაძის ფროზინონესთვის სტუმრად თამაში კატასტროფული აღმოჩნდა.
ქართველი ფეხბურთელის გუნდი მილანთან უშანსოდ, 5:1 განადგურდა. პირველი ტაიმი 2:1 დასრულდა, თუმცა მეორე ნახევარში მასპინძლებმა სრული დომინაცია მოიპოვეს და მეტოქეს კიდევ 3 უპასუხო გოლი გაუტანეს.
რაც შეეხება უშუალოდ კვერნაძეს, მან შეხვედრა სასტარტო შემადგენლობაში დაიწყო და მოედანზე 62 წუთი გაატარა (ის 4:1-ზე შეცვალეს). მიუხედავად მძიმე ანგარიშისა, გიორგი საკმაოდ აქტიური იყო და გოლის გატანაც სცადა. მის აქტივში 37 შეხება, 19 ზუსტი პასი (მათ შორის 1 საკვანძო) და კარში 1 ზუსტი დარტყმა დაფიქსირდა. მისი შეფასება Sofascore-ზე 6.8 იყო.
ამ მარცხის მიუხედავად, ქართველი ფეხბურთელი მიმდინარე სეზონში სტაბილურად კარგ ფორმაშია. სერია A-ს 12 მატჩში მის ანგარიშზე უკვე 3 გოლი და 4 საგოლე გადაცემაა (ასევე 2 გოლი და 1 ასისტი თასზე).
12 ტურის შემდეგ ფროზინონე 20 ქულით მე-7 პოზიციას იკავებს და მომდევნო შეხვედრას 28 ნოემბერს, საკუთარ მოედანზე პარმას წინააღმდეგ გამართავს.