მანჩესტერ იუნაიტედმა ბარსელონას თავდამსხმელ რობერტ ლევანდოვსკისთან ერთწლიანი კონტრაქტის გაფორმებაზე მოლაპარაკებები დაიწყო.
ზაფხულის სატრანსფერო ფანჯრის დროს წითელმა ეშმაკებმა ახალ შემტევ ფეხბურთელებში დაახლოებით 200 მილიონი დახარჯეს.
მანჩესტერ იუნაიტედმა სეზონი დროებითი მწვრთნელის, მაიკლ კერიკის ხელმძღვანელობით შეცვალა - პირველ ათ მატჩში შვიდი გამარჯვება, ორი ფრე და ერთი მარცხი დააგროვა, რითაც გუნდი პრემიერ ლიგის ცხრილში მესამე ადგილზე გადავიდა.
შეშკომ, რომელსაც ოლდ ტრაფორდზე ცუდი სტარტი ჰქონდა, ბოლო 11 მატჩში რვა გოლი გაიტანა. ამის მიუხედავად, ჯერ კიდევ არსებობს ეჭვები შეძლებს თუ არა იგი შემტევი ხაზის ხელმძღვანელობას მომავალში. გავრცელებული ინფორმაციით, მანჩესტერ იუნაიტედი სლოვენიელი ფეხბურთელისთვის კონკურენტის დამატებას ცდილობს.
SportsBoom-მა განაცხადა, რომ იუნაიტედმა მოლაპარაკებები დაიწყო ბარსელონას თავდამსხმელ ლევანდოვსკისთან, რომელსაც გასულ წელს თანამემამულე ტომაშ კუშჩაკმა ყველა დროის საუკეთესო ფეხბურთელი უწოდა.
ფაბრიციო რომანომ თავის იუთუბ არხზე განაცხადა:
როგორც ბოლო დღეებში გითხარით, ბარსელონა მზადაა, რობერტ ლევანდოვსკის კიდევ ერთი სეზონით ახალი კონტრაქტი შესთავაზოს, მაგრამ შემცირებული ხელფასით. ახლა ყველაფერი ლევანდოვსკიზეა დამოკიდებული.
