ლილი თავის მცველს უთამაშებლობით და ტრიბუნაზე გაშვებით ემუქრებოდა

ფრანგული კლუბი ლილი თავის 18 წლის მცველს, ლენი იოროს ერთწლიანი უთამაშებლობის ემუქრებოდა.

საქმე ისაა, რომ მანჩესტერ იუნაიტედმა ლილთან იოროს ტრანსფერი 50+12 მილიონ ევროდ შეათანხმა, თუმცა გარიგებას თავად ფეხბურთელი აჭიანურებდა, რომელიც მადრიდის რეალის შემოთავაზებას ელოდებოდა.

რეალის ერთადერთი შემოთავაზება 20-25 მილიონი ევრო იყო და თუ ლილი უარს იტყოდა, მაშინ ისინი ფეხბურთელის დასამატებლად ერთი წელი დაცდას და მის უფასოდ წამოყვანას აპირებდნენ, რადგან 2025-ში ფრანგს გუნდთან კონტრაქტი ეწურებოდა.

Marca-ს ინფორმაციით, მანჩესტერის შემოთავაზების მიღების შემდეგ, ლილმა თავის ფეხბურთელზე ზეწოლა მოახდინა და ითხოვდა, რომ იუნაიტედის შემოთავაზებას დათანხმებოდა, წინააღმდეგ შემთხვევაში მას მთელი წელი ტრიბუნაზე დატოვება და სათამაშო პრაქტიკის გარეშე დარჩენა ემუქრებოდა. 

თავის მხრივ, თავად ფეხბურთელს მან იუნაიტედი გაცილებით უკეთეს ხელფასს სთავაზობდა, ვიდრე რეალი და ამ ყველაფერმა იორო აიძულა, რომ მანჩესტერის შემოთავაზებას დათანხმებულიყო.

საბოლოოდ, კლუბებს შორის შეთანხმება დაიხურა და იორო მანჩესტერის ფეხბურთელად ოფიციალურად სულ მალე დადასტურდება.