ლივერპული საფრანგეთის ნაკრების წევრის, რანდალ კოლო მუანის გაფორმებით არის დაინტერესებული.
27 წლის ფეხბურთელი ამჟამად იჯარით ტოტენჰემში იმყოფება, სადაც მან ეპიზოდურად კი აჩვენა საკუთარი ხარისხი, მაგრამ ზოგადად ადაპტაცია გაუჭირდა.
კოლო მუანიმ პრემიერ ლიგის 25 მატჩში მხოლოდ ორ საგოლე მოქმედებაში მიიღო მონაწილეობა. თუმცა, ის გაცილებით უკეთ გამოიყურებოდა ჩემპიონთა ლიგაზე, სადაც 9 შეხვედრაში 4 გოლის გატანა შეძლო.
La Gazzetta dello Sport-ის ინფორმაციით, ლივერპულმა ფრანგი მუჰამედ სალაჰის პოტენციურ შემცვლელად შეარჩია. სალაჰმა უკვე გამოაცხადა, რომ სეზონის ბოლოს კლუბს დატოვებს.
მერსისაიდელებს სერიოზული კონკურენცია ელით იუვენტუსისგან, რომელმაც, გავრცელებული ინფორმაციით, ფეხბურთელის აგენტთან კონტაქტი უკვე დაამყარა. კოლო მუანიმ 2024-25 წლების სეზონი სწორედ იუვენტუსში გაატარა იჯარით, სადაც 22 მატჩში 10 გოლი გაიტანა. კლუბი მის დაბრუნებას ზამთრის სატრანსფერო ფანჯრის დროსაც ცდილობდა, თუმცა ტოტენჰემმა იჯარის ვადაზე ადრე შეწყვეტაზე უარი თქვა.
