ლივერპულის ყოფილი კაპიტანი რონ იეიტსი გარდაიცვალა.
მერსისაიდული კლუბის ყოფილი ფეხბურთელი 86 წლის იყო. უკანასკნელ წლებში ის ალცჰეიმერის დაავადებას ებრძოდა.
იეიტსი ლივერპულში 1961-1971 წლებში ასპარეზობდა და გუნდის მაისურით 448 მატჩი ჩაატარა - ორჯერ გახდა ინგლისის ჩემპიონი, ერთხელ მოიგო ქვეყნის თასი და 3-ჯერ სუპერთასი. ლივერპულის კაპიტნის რანგში ჩატარებული მატჩების რაოდენობით ის მხოლოდ სტივენ ჯერარდს ჩამორჩება.
1986-2006 წლებში შოტლანდიელი ლივერპულის მთავარი სკაუტის თანამდებობასაც იკავებდა.
ფეხბურთელის რანგში მას ასევე დანდი იუნაიტედსა და ტრანმერში აქვს ნათამაშები.
