ლოჩოშვილის კომენტარი ერთა ლიგის მატჩებსა და გულშემატკივრების მხარდაჭერაზე

საქართველოს ნაკრებისა და კიოლნის მცველმა, ლუკა ლოჩოშვილმა ერთა ლიგის მოახლოებულ მატჩებსა და გულშემატკივართა მხარდაჭერაზე ისაუბრა.

მან აღნიშნა, რომ მიუხედავად გარკვეული შეზღუდვებისა, სტადიონზე მაინც იქნება შესაბამისი მუხტი:

კარგი იქნებოდა, ჩრდილოეთ ირლანდიასთან მატჩზე მაყურებლის დასწრება შესაძლებელი ყოფილიყო. სასიხარულოა, რომ სტადიონზე გარკვეული რაოდენობის ბავშვები, ახალგაზრდა ფეხბურთელები იქნებიან. მუხტი და მხარდაჭერა მაინც იქნება. უკრაინასთან კი გაცილებით მეტი გულშემატკივარი გვეყოლება, რაც ძალიან მნიშვნელოვანია ჩვენთვის.

ფეხბურთელის თქმით, ტურნირზე წარმატებული ასპარეზობა ევროპის ჩემპიონატის საკვალიფიკაციო ეტაპისთვის მნიშვნელოვანი მოსამზადებელი პერიოდია და გუნდი მაქსიმალურად შეეცდება სასურველი შედეგის მიღწევას.