ლუკ შოუმ ნოტინგემ ფორესტთან მატჩში ულამაზესი შორეული დარტყმით მანჩესტერ იუნაიტედში თავისი ხანგრძლივი უგოლო სერია დაასრულა.
ინგლისელ მარცხენა მცველს პრემიერ ლიგაში გოლი 2023 წლის იანვრის, ბორნმუთთან შეხვედრის მერე არ ჰქონდა გატანილი.
მიუხედავად იმისა, რომ მანჩესტერელებს ჩემპიონთა ლიგის საგზური უკვე განაღდებული აქვთ, მათ სეზონის ბოლო საშინაო მატჩის ლამაზ სტილში აღნიშვნა სურდათ და მიზანს სწრაფადვე მიაღწიეს.
შოუმ შეხვედრის მეხუთე წუთზე ბურთი ეფექტურად მიიღო და შორეული დარტყმით შორეულ კუთხეში მოათავსა. ეს გოლი მცველისთვის მანჩესტერულ კლუბში ჩატარებულ 324-ე მატჩში საიუბილეო, მეხუთე აღმოჩნდა. ამ მომენტისთვის მანჩესტერ იუნაიტედი ნოტინგემ ფორესტს 2-1-ს უგებს.
